HONT BLANCA
     
 
 
     
 

Nerevat
Hred dens la crampa

Pausada sus la taula de neit, a costat de l'arram de laurèr e d'un gradalet d'aiga benadita, la candela alugada qu'entretié l'esgòrra. La magra lusor que hè movedissa la termièra entre inèrte e animat, entre mort e vita. Que's pòblan de babaus las paplas d'ompras de per darrèr las travetas. Nos hossen segotidas, de quan en quan, per bèth saumuc be las poderem créder estatuas las negras beatas acrocadas a l'entorn deu lheit. E Cohita. Be diserem de que drom. Be diserem de que's pòt encòra desvelhar. Tot long, jasent en son costume mes polit, cauçat de ner, lo berret suu ventre beròi arrenjat dens las mans juntas.

Hont Blanca, J.L. Lavit, Edicion Nosauts de Bigòrra-IDECO, 147pajas, 2000.

Prètz : 12,20 €