GARBA de PRÒSA
     
 
 
     
 

Aquesta Garba qu’atraça quate autors diferents : Quate òmes de la darrèra generacion a aver viscut dens ua societat complètament occitanofòna. Qu’avem volut aquesta publicacion sus un tèma unic : la memòria. Que nos avem pausat las questions : qu’ei aquò la memòria ? Quin ei lo trabalh de reconstruccion de qui hè l’autor ? Qué pòrta la memòria coma diversitat ? E tanben qu’ei çò qui hè qu’un òme arriba autor a un atge ? Que i a avut ací ua desmarcha pregona e hòrta de presa de consciéncia lingüistica, presa de consciéncia de qui a amiat cada un au passatge a l’escriut. Aqueth passatge de l’oralitat a l’escriut qu’ei, çà’m par, devut aus concors d’expression escriuta de qui floreishen dempuish quauques annadas adara. Jan Setze, paisan e condaire. Qu’ei demorat la sua vita a Pujò a costat Vic de Bigòrra. Que descriu ací dab precision e poesia la vita de l’entre duas guèrras. Elia Bonneau, natiu de Montegut sus Arròs, qu’a passat la sua vita professionau a Montanèr en Bearn d’on ei estat lo regent. Que nos liura los sués soviers de gojat pendent lo temps de l’aucupacion. Danièl Gabarret nos hè entrar dens lo sué univers, au còp meravilhós e autentic : lo monde de las Pireneas pobladas d’istòrias e lòc de magia. Miquèu Pujòl, neurit de literatura e ric de mantuas culturas, que nos liura la pregondor e l’intimitat d’un òmi a travèrs la beutat deus sués escriuts.

Garba de Pròsa, M. Pujol-D. Gabarret-J. Setzes-E. Bonneau, Edicion Nosauts de Bigòrra-Per Noste-La Civada, 117 pajas, 2002.

Prètz : 16 €