Comment nous perdons notre langue
     
 
 
     
 

Dab aquèth libe Fabrici Bernissan qu'explora la memòria deus nostes ancians, que'us a sabut interrogar e escotar dab talent e tendressa e qu'a escrupulosament arrespectat la loa paraula e la loa lenga, tan que credem enténer la votz temeruca e esmaventa deus nostes parents o gran-parents?

Qu'èra important de fixar dens l'escriut lo contexte e los sentiments qu'an hèit qu'ua lenga s'ei substituida a un auta generacion entà compréner lo paradòxe qu'aquèra catastròfa linguistica s'ei complida quitament coma ua evidença !

Que cau tanben hornir que dab un tau libe de sociolinguistica l'autor qu'a obert un navèth camp d'investigacion qui complèta la produccion abituau de diccionaris, gramaticas e òbras de litteratura occitana.

Si lo constat sembla fatalista, l'acte de miar aquèras enquistas e d'editar aquèth estudi dens la lenga que'n hè un gadge actuau e de la prova que dab volontat que's pòt repréner lo hiu.

Comment nous perdons notre langue, F. Bernissan, edicion Nosauts de Bigòrra-M.H.G.-La Civada, 131 pajas, 2004.

Prètz : 13 €